திட்டமிடப்படும் விதம்:

• அபாயகரமான போதைப்பொருள் பயன்பாட்டிலிருந்து பாடசாலை மாணவர்களைப் பாதுகாக்கும் நோக்கில், அங்கீகரிக்கப்பட்ட செயற்பாட்டுத் திட்டத்திற்கமைய, ஒரு அலுவலகத்தினால் மாதமொன்றுக்கு குறைந்தது 02 விழிப்புணர்வு நிகழ்ச்சித் திட்டங்கள் நடத்தப்பட வேண்டுமென அறிவுறுத்தப்பட்டுள்ளது.
• இதற்கமைய, புனர்வாழ்வளிக்கப்பட்டவர்களின் பொருளாதார, சமூக, நலன்புரி நடவடிக்கைகளின் ஒருங்கிணைப்புக் காரியாலயத்தினால் தமது அதிகார எல்லைக்குட்பட்ட பாடசாலைகளின் கல்வி நடவடிக்கைகளுக்குப் பாதிப்பு ஏற்படாத வகையில், அதிபரின் அனுமதியுடன் இத்திட்டங்களை முன்னெடுக்கும். (இதற்காக அதிபரினால் மாகாணக் கல்வி அலுவலகத்திடம் அனுமதி பெறப்பட வேண்டும்). மேலும், இதில் பங்குபற்றும் மாணவர்களுக்குச் சிற்றுண்டிகளும் வழங்கப்படும்.
• இத்திட்டங்களுக்காக தேசிய அபாயகர ஔடதங்கள் கட்டுப்பாட்டுச் சபையின் மாவட்ட போதைப்பொருள் கல்வி உதவியாளர்கள் மற்றும் பிரதேச வைத்தியசாலையின் மனநலப் பிரிவைச் சேர்ந்த வைத்தியர்களின் வள பங்களிப்பு பெற்றுக்கொள்ளப்படும்.

இதன் நோக்கங்கள்:

• நற்பண்புகள் மற்றும் திறன்களை வளர்த்தெடுத்தல்.
• தீய செயல்கள் மற்றும் எண்ணங்களை நேரடியாக நிராகரிக்கும் ஆளுமையை வளர்த்தல்.
• சந்தர்ப்பத்திற்கு ஏற்றவாறு தொலைநோக்குச் சிந்தனையைப் பயன்படுத்துதல்.
• போதைப்பொருள் தொடர்பான மாணவர்களின் பிழையான நிலைப்பாடுகளைக் களைந்து, அவர்களின் கருத்துக்களைக் கேட்டறிதல்.
• போதைப்பொருள் பயன்பாட்டினால் ஏற்படும் விளைவுகளைத் தெளிவுபடுத்துதல்.
• மாணவர்கள் ஊடாகக் குடும்பங்களுக்குப் போதைப்பொருள் ஒழிப்புச் செய்தியைக் கொண்டு செல்லுதல்.
• போதைப்பொருள் பயன்பாட்டினால் மனித உடலில் ஏற்படும் விஞ்ஞான ரீதியான உடல் மற்றும் உளப் பாதிப்புகள் குறித்து விளக்குதல்.
• வர்த்தக விளம்பரங்களுக்கு ஏமாறாமல், போதைப்பொருள் குறித்த உண்மை நிலையை மாணவர்களுக்குப் புரியவைத்தல்.

திட்டமிடப்படும் விதம்:

• போதைப்பொருள் பயன்பாட்டிலிருந்து விலகி இருத்தல், பயன்பாட்டைக் குறைத்தல் மற்றும் போதைப்பொருள் பரவுவதைத் தடுத்தல் ஆகியவற்றை அடிப்படையாகக் கொண்டு இந் நிகழ்ச்சித் திட்டங்கள் முன்னெடுக்கப்படுகின்றன. இதன்போது, அரச நிறுவனத் தலைவர்களின் எழுத்து மூலமான கோரிக்கையின் பேரில், திகதி மற்றும் நேரம் ஒதுக்கப்பட்டு, தேசிய அபாயகர ஔடதங்கள் கட்டுப்பாட்டுச் சபையின் வள பங்களிப்புடன் இவை நடத்தப்படும்.

இதன் நோக்கங்கள்:

• போதைப்பொருள் புனர்வாழ்வு பெறுவோரிடையே போதைப்பொருள் பரவுவதைக் குறைத்தல்.
• புனர்வாழ்வு செயன்முறைகள் குறித்துச் சமூகத்திற்கு விழிப்புணர்வூட்டல்.
• போதைக்கு அடிமையானவர்களை மீள இயல்பு நிலைக்குக் கொண்டுவருவதற்கான ஆலோசனைகள் மற்றும் சிகிச்சை முறைகளைத் தெளிவுபடுத்தல்.
• போதையற்ற இளைஞர் சமூதாயத்தைக் கட்டியெழுப்புதல்.
• அரச சேவையின் வினைத்திறனையும் நம்பிக்கையையும் பாதுகாத்தல்.
• அரச அதிகாரிகள் ஊடாகப் போதைப்பொருள் ஒழிப்புப் பிரச்சாரங்களை விரிவுபடுத்துதல்.
• கிராம மற்றும் கள உத்தியோகத்தர்களின் ஒத்துழைப்புடன் போதைப்பொருள் ஒழிப்புத் திட்டங்களை முறையாக ஏற்பாடு செய்தல்.
• பிரதேச செயலகங்கள், அரச அதிகாரிகள் மற்றும் உயர் தலைமையகங்களினால் புனர்வாழ்வு பெறுவோருக்காக நடைமுறைப்படுத்தப்படும் திட்டங்கள் குறித்து நிறுவனங்களுக்கிடையே விரிவான புரிதலைப் பேணுதல்

திட்டமிடப்படும் விதம்:

• போதைப்பொருள் என்பது ஒட்டுமொத்த சமூகத்தையும் பாதிக்கும் ஒரு காரணியாக இருப்பதால், அதன் பரவலைக் கட்டுப்படுத்த கிராம உத்தியோகத்தர்கள் மற்றும் கள உத்தியோகத்தர்களின் ஒருங்கிணைப்புடன் கிராம மட்டம் முதல் நகர மட்டம் வரை இத்திட்டங்கள் ஏற்பாடு செய்யப்படுகின்றன. முதற்கட்டமாக அரச அதிகாரிகள் விழிப்புணர்வூட்டப்படுவதுடன், அதன் பின்னர் அவர்களால் அடையாளம் காணப்படும் பகுதிகளில் சமூகத்தினர் ஒன்றிணைக்கப்பட்டு விழிப்புணர்வு முன்னெடுக்கப்படும்.

விழிப்புணர்வுத் திட்டங்கள் ஏற்பாடு செய்யப்படும் விதம்:

போதைப்பொருள் என்பது ஒட்டுமொத்த சமூகத்தையும் பாதிக்கின்ற ஒரு காரணியாகக் காணப்படுவதால், சமூகத்தினரிடையே அதன் பரவலைத் தடுக்கும் நோக்கில் கிராம உத்தியோகத்தர்கள் மற்றும் கள உத்தியோகத்தர்களின் ஒருங்கிணைப்புடன் கிராம மட்டம் முதல் நகர மட்டம் வரை விழிப்புணர்வுத் திட்டங்கள் ஏற்பாடு செய்யப்படுகின்றன. இதற்கமைய, முதற்கட்டமாக பிரதேச செயலகப் பிரிவுகளிலுள்ள கிராம உத்தியோகத்தர்கள் மற்றும் கள உத்தியோகத்தர்களுக்கு அரச அதிகாரிகள் விழிப்புணர்வுத் திட்டத்தின் கீழ் தெளிவுபடுத்தப்படும். அதனைத் தொடர்ந்து, அத்தகைய உத்தியோகத்தர்களினால் விழிப்புணர்வுத் திட்டங்கள் அவசியமான பிரதேசங்கள் இனங்காணப்பட்டு, பொதுமக்களை ஒன்றிணைத்து அத்திட்டங்களை முன்னெடுப்பதற்கான ஒத்துழைப்பு வழங்கப்படும்.

இதன் நோக்கங்கள்:

• போதைப்பொருள் புனர்வாழ்வு பெறுவோரிடையே போதைப்பொருள் பயன்பாடு மேலும் பரவுவதைக் குறைத்தல்.
• புனர்வாழ்வுச் செயன்முறை குறித்துச் சமூகத்திற்கு விழிப்புணர்வூட்டல்.
• புனர்வாழ்வுச் செயன்முறையை விளக்குதல் மற்றும் புனர்வாழ்விற்காகச் சேர்த்துக்கொள்ளும் நடைமுறைகள் குறித்து விழிப்புணர்வூட்டல்.
• புனர்வாழ்வு பெற்று சமூகமயப்படுத்தப்பட்டவர்களைப் பராமரித்தல் மற்றும் அவர்களை மீண்டும் சரியான முறையில் சமூகத்துடன் ஒன்றிணைக்கும் விதம் குறித்துத் தெளிவுபடுத்தல்.
• சந்தைப்படுத்தல் விளம்பரங்களின் மாயையில் சிக்கிக் கொள்வதைக் குறைத்தல்.
• குடும்பக் கட்டமைப்பு மற்றும் குடும்ப முன்னேற்றம் குறித்துச் சிந்திக்கத் தூண்டுதல்.
• போதைப்பொருள் பயன்பாட்டினால் ஏற்படும் பொருளாதார, சமூக மற்றும் உடல் ரீதியான தீய விளைவுகளைச் சுட்டிக்காட்டுதல்.
• போதைப்பொருளை முதன்முறை பயன்படுத்திய உடனேயே அதிலிருந்து மீள்வதற்குத் தேவையான சரியான வழிமுறைகளை விளக்குதல்.
• சிதைந்த குடும்பங்களுக்கு ஆலோசனை வழங்கல் மற்றும் அது சார்ந்த நிறுவனங்களுக்கு ஆற்றுப்படுத்துதல்.

திட்டமிடப்படும் விதம்:

• போதைப்பொருள் குற்றங்களுக்காகப் புனர்வாழ்வு பெற்று சமூகத்துடன் இணைந்தவர்கள் அல்லது போதைக்கு அடிமையானவர்களின் தனிப்பட்ட மற்றும் குடும்பப் பிரச்சினைகளைக் குறைக்கும் நோக்கில் இத்திட்டம் செயல்படுத்தப்படுகிறது. புனர்வாழ்வளிக்கப்பட்டவர்களின் பொருளாதார, சமூக, நலன்புரி நடவடிக்கைகளின் ஒருங்கிணைப்புக் காரியாலயத்தில் உள்ள உளவளத் துணையாளர்கள் அல்லது சமூக சேவைத் திணைக்களத்தின் சிரேஷ்ட உளவியல் உளவளத்துணையாளர்கள் மற்றும் தேசிய அபாயகர ஔடதங்கள் கட்டுப்பாட்டுச் சபையின் மாவட்ட  உளவளத்துணையாளர்களின் உதவியுடன் முன்னெடுக்கப்படும்.

இதன் நோக்கங்கள்:

• உடல் மற்றும் உள ஆரோக்கியப் பிரச்சினைகளைத் தீர்க்க வழிகாட்டுதல்.
• சிதைந்த குடும்பக் கட்டமைப்புகளை ஆலோசனைகள் மூலம் சீர்செய்ய உதவுதல்.
• சமூக விரோதச் செயல்களிலிருந்து விடுபட உதவுதல்.
• தனிநபர் வாழ்க்கைத்தரத்தை மேம்படுத்த ஆதரவளித்தல்.
• தனிநபர் திறன்களை மெருகூட்ட உதவுதல்.
• சமூகத்தில் அங்கீகாரத்தைப் பெற்றுக்கொடுத்து, ஒரு பயனுள்ள பிரஜையாகச் சமூகமயப்படுத்துவதற்கான சூழலை உருவாக்குதல்.

திட்டமிடப்படும் விதம்:

முதல் தடவை போதைப்பொருள் பயன்படுத்தியுள்ளவர்கள் மற்றும் புனர்வாழ்வின் பின்னர் மீண்டும் போதைப்பொருள் பயன்பாட்டில் ஈடுபடுபவர்களை இலக்காகக் கொண்டு இந்த நிகழ்ச்சித்திட்டம் அமுல்படுத்தப்படுகின்றது. இதன் போது அபாயகரமான ஒளடதங்கள் கட்டுப்பாட்டு தேசிய சபையின் ஒழிப்பு மற்றும் பயிற்சிப் பிரிவின் பயிற்சி அலுவலர்கள் மற்றும் வெளிப்புற சேவைகள் துறையைச் சேர்ந்த வெளி அலுவலர்களின் உதவி மற்றும் ஆற்றல்களின் அடிப்படையில் போதைவஸ்து பயன்படுத்தி புனர்வாழ்வு பெற்ற பின்னர் நல்ல பிரசைகளாக சமூகமயப்படுத்தப்பட்டுள்ள ஆட்களை வளவாளர்களாக பயன்படுத்திக் கொள்ளும் வாய்ப்புக்களும் உள்ளன. இந்த நிகழ்ச்சித்திட்டத்தை ஒழுங்கு செய்வதன் நோக்கங்கள் பின்வருமாறாகும்.

• மீண்டும் சமூக விரோத நடவடிக்கைகளில் சிக்குவதிலிருந்து தடுத்தல்.
• நல்லதொரு குடும்ப அமைப்பைக் கட்டியெழுப்புதல்.
• போதைப்பொருட்களுக்கு அடிமையான ஆட்களின் குடும்ப உறுப்பினர்களும் அதில்   சிக்குவதைத் தடுத்தல்.
• போதைப்பொருள் பயன்பாட்டின் விளைவுகள் பற்றி சமூகத்தை விழிப்புணர்வூட்டல்.
• எதிர்கால சந்ததியினருக்கு முன்மாதிரியான மற்றும் பாதுகாப்பான சமூக சூழலை உருவாக்கிக் கொடுத்தல்.
• புனர்வாழ்வில் ஈடுபடுத்தல் உட்பட வேறு சிகிச்சைமுறைகளில் ஈடுபடுத்தல்.
• போதைவஸ்து பயன்பாட்டுக்கு எதிராக சட்டரீதியான சட்டகம் பற்றி விழிப்புணர்வூட்டல்.

இத்திட்டங்கள் புனர்வாழ்வு பெற்றோர் தொடர்பான பொருளாதார, சமூக மற்றும் நலன்புரி ஒருங்கிணைப்பு அலுவலகங்களினால் முன்னெடுக்கப்படுவதுடன், விரிவுரை உதவிகளுக்காக தேசிய அபாயகர ஔடதங்கள் கட்டுப்பாட்டு தேசிய சபையின் தடுப்புக் கல்வி மற்றும் பயிற்சிப் பிரிவின் அதிகாரிகள் வளவாளர்களாகப் பங்களிப்பர்.