விண்ணப்பங்களைச் சமர்ப்பிப்பதற்கு முன்னர் தயவுசெய்து பின்வரும் அறிவுறுத்தல்களைக் கவனத்திற் கொள்ளவும்:

• நீங்கள் விண்ணப்பப் படிவத்தை நிகழ்நிலை (Online) ஊடாக மட்டுமே பூர்த்தி செய்ய வேண்டும்.
• விண்ணப்பத்தைப் பூர்த்தி செய்வதற்கு முன், நீங்கள் விண்ணப்பிக்க எதிர்பார்க்கும் பதவிக்குரிய இங்கு வழங்கப்பட்டுள்ள அறிவுறுத்தல்களை நன்கு வாசித்துப் புரிந்து கொண்ட பின்னர் விண்ணப்பத்தைப் பூர்த்தி செய்யவும்.
• நீங்கள் ஒன்றுக்கு மேற்பட்ட பதவிகளுக்கு விண்ணப்பிக்கிறீர்கள் என்றால், ஒவ்வொரு பதவிக்குமாகத் தனித்தனியான விண்ணப்பங்களை அனுப்ப வேண்டும்.

• விண்ணப்பப்படிவத்தை ஆங்கில மொழியில் (English) மட்டுமே பூர்த்தி செய்ய வேண்டும். (உங்கள் வசதிக்காக விண்ணப்பப் படிவம் மற்றும் அறிவுறுத்தல்கள் சிங்களம்/ஆங்கிலம்/தமிழ் ஆகிய மொழிகளில் வழங்கப்பட்டுள்ளன).
• முதலில் உங்கள் விண்ணப்பதாரர் வகையை (Applicant Type) சரியாகத் தெரிவு செய்ய வேண்டும் (ஒன்றை மட்டும் தெரிவு செய்யவும்).
• Internal Applicant: தற்போது புனர்வாழ்வுப் பணியகத்தில் பணியாற்றும் நிரந்தர ஊழியர்கள் மட்டுமே இதற்குச் சொந்தமானவர்கள்.
• External Applicant: ஏனைய அனைத்து விண்ணப்பதாரர்களும் வெளிவாரி விண்ணப்பதாரர்களாவர்.
• இரண்டாவதாக, ஆட்சேர்ப்புப் பரீட்சைக்குத் தோற்ற வேண்டிய அவசியம் ஏற்பட்டால், நீங்கள் தோற்ற விரும்பும் மொழியைச் சரியாகத் தெரிவு செய்யவும் (ஒரு மொழியை மட்டுமே கோர முடியும்). விண்ணப்பத்தைச் சமர்ப்பித்த (Submit) பின்னர் எக்காரணம் கொண்டும் மொழி மாற்றப்பட மாட்டாது.
• மூன்றாவதாக, விண்ணப்பப் படிவத்தின் இலக்கம் 1 முதல் 10 வரையிலான தகவல்களைச் சரியாகப் பூர்த்தி செய்ய வேண்டும்.
• 'Application for the Post of' என்பதற்கு நேரே நீங்கள் விண்ணப்பிக்கும் பதவியைத் குறிப்பிட வேண்டும் (அதற்காக ஆங்கில அறிவித்தலை பயன்படுத்தவும்).
• பரீட்சை அனுமதி அட்டை / நேர்முகத் தேர்வுக்கான கடிதங்கள் இலக்கம் 6 இல் நீங்கள் குறிப்பிடும் முகவரிக்கே அனுப்பி வைக்கப்படும்.

• புனர்வாழ்வுப் பணியகத்தின் நிரந்தர ஊழியர்கள் விண்ணப்பக் கட்டணம் செலுத்தத் தேவையில்லை (பரீட்சைக் கட்டணம் செலுத்த வேண்டிய பதவிகளுக்கு மாத்திரம்).
• ஏனைய அனைத்து வெளிவாரி விண்ணப்பதாரர்களும் ரூ. 500/- விண்ணப்பக் கட்டணமாகச் செலுத்துவது கட்டாயமாகும்.
• நீங்கள் பல பதவிகளுக்கு விண்ணப்பித்தால், ஒவ்வொரு பதவிக்கும் தனித்தனியாக விண்ணப்பக் கட்டணம் செலுத்த வேண்டும்.

• எந்தவொரு இலங்கை வங்கி (Bank of Ceylon) கிளையிலும், "புனர்வாழ்வு ஆணையாளர் நாயகப் பணியகம்" (Bureau of Commissioner General of Rehabilitation) பெயரில், பொரளை சுப்பர் கிரேடு கிளையின் (Borella Super Grade Branch) கணக்கு இலக்கம்: 0007042763 இற்கு வைப்புச் செய்ய வேண்டும். (நிகழ்நிலை (Online) அல்லது CDMA மூலமாகவும் மேற்படி கணக்கிற்குச் செலுத்தலாம்).
• பணம் செலுத்திய பற்றுச்சீட்டின் (Deposit Slip) ஒரு பிரதியை உங்களிடம் வைத்துக்கொண்டு, அதன் மூலப் பிரதியின் (Original) மேல் பகுதியில் நீல நிறப் பேனாவைப் பயன்படுத்தி நீங்கள் விண்ணப்பிக்கும் பதவியைத் தெளிவான எழுத்துக்களில் எழுதி, அதனை விண்ணப்பத்துடன் இணைக்க வேண்டும்.
• செலுத்தப்பட்ட விண்ணப்பக் கட்டணம் எக்காரணம் கொண்டும் மீள வழங்கப்பட மாட்டாது.
• விண்ணப்பத்தின் 31 ஆம் பகுதியை பூர்த்தி செய்யும் போது:
  • Bank Name: நீங்கள் பணம் செலுத்திய வங்கியின் பெயர்.
  • Branch: பணம் செலுத்திய வங்கி கிளை.
  • Account Number: ஆன்லைன் மூலம் பணம் செலுத்தியிருந்தால் அந்த கணக்கு இலக்கம். (CDMA அல்லது வங்கி வைப்பு என்றால் ஸ்லிப் இலக்கத்தை இடவும்).
  • Transaction ID / Reference No: நிகழ்நிலை (Online) அல்லது வங்கி மூலம் பணம் செலுத்திய அச்சிடப்பட்ட இலக்கம் அல்லது CDMA இலக்கத்தைப் பதிவிடவும்.

• பூர்த்தி செய்யப்பட்ட விண்ணப்பத்தை “Submit Application” பயன்படுத்திச் சமர்ப்பித்த பின்னர், அதன் பிரதியைத் தரவிறக்கம் (Download) செய்து, வன் பிரதியுடன் (Hard Copy) பணம் செலுத்திய பற்றுச்சீட்டின் மூலப் பிரதியை இணைக்க வேண்டும்.
• சமர்ப்பித்த பிறகு எந்த மாற்றமும் செய்ய முடியாது. தரவிறக்கம் செய்யப்பட்ட விண்ணப்பத்தில் ஏதேனும் மாற்றங்கள் செய்யப்பட்டிருந்தால் அத்தகைய விண்ணப்பங்கள் நிராகரிக்கப்படும்.

• அரசுத் திணைக்களங்கள்/கூட்டுத்தாபனங்கள்/கூட்டிணைக்கப்பட்ட சபைகளில் பணிபுரிபவர்கள் தமது நிறுவனத் தலைவரின் அனுமதியுடன் விண்ணப்பங்களை அனுப்ப வேண்டும்.
• விண்ணப்பத்தில் வழங்கப்பட்ட தகவல்கள் உண்மையானவை என உறுதிப்படுத்தி கையொப்பமிட வேண்டும். தவறான தகவல்கள் கண்டறியப்பட்டால் விண்ணப்பம் நிராகரிக்கப்படும் அல்லது வேலையிலிருந்து நீக்கப்படும்.
• கடித உறையின் இடது பக்க மேல் மூலையில் விண்ணப்பிக்கும் பதவியைத் தெளிவாகக் குறிப்பிட்டு, சான்றிதழ்களின் பிரதிகள் மற்றும் தரவிறக்கம் செய்யப்பட்ட விண்ணப்பத்தை இணைத்து பதிவுத் தபாலில் “புனர்வாழ்வுப் பணியகம் (Bureau of Rehabilitation), இல: 462/2, கடுவெல வீதி, கனஹேன, பத்தரமுல்ல.” என்ற முகவரிக்கு இறுதித் திகதிக்கு முன்னர் அனுப்பவும்:
• மேலே குறிப்பிட்டுள்ள அறிவுறுத்தல்களுக்கு அமைய விண்ணப்பத்தைப் பெற்றுக்கொள்ள இங்கே CLICK HERE செய்யவும்

• விண்ணப்படிவத்தினை பொறுப்பேற்கும் இறுதித் தினமன்று தகமைகளை பூர்த்திசெய்யாதுள்ள விண்ணப்படிவங்கள் / முழுமையாகப் பூரணப்படுத்தப்படாத விண்ணப்படிவங்கள் / பண வைப்பு பற்றுச் சீட்டின் மூல பிரதி இணைக்கப்படாத விண்ணப்பப் படிவங்கள் /பதிவிறக்கம் (Dowload) செய்த விண்ணப்படிவங்களைத் தவிர அனுப்பப்பட்ட ஏனைய விண்ணபப்படிவங்கள் மற்றும் விண்ணப்பப்படிவம் ஏற்றுக் கொள்ளும் இறுதித் திகதியிற்குப் பின்னர் கிடைக்கும் விண்ணப்படிவங்கள் நிராகரிக்கப்படும் / ஏதேனும் ஒரு காரணத்தினால் நிராகரிக்கப்படும் விண்ணப்பங்கள் மீண்டும் பரிசீலிக்கப்படமாட்டாது.
• புனர்வாழ்வுப் பணியகத்தின் முடிவே இறுதியானது.

மேலதிக விபரங்களுக்கு: 0112883891 (Ext: 139)