ස්වේච්ඡාවෙන් පුනරුත්ථාපනය ඉල්ලා සිටින්නන් සඳහා පුනරුත්ථාපනය

ස්වේච්ඡාවෙන් පුනරුත්ථාපනය ඉල්ලා සිටින්නන් සඳහා පුනරුත්ථාපන මධ්‍යස්ථාන

හැඳින්වීම

2023 අංක 02 දරණ පුනරුත්ථාපන කාර්යාංශ පනතෙහි 4 (අ) වගන්තිය ප්‍රකාරව පුනරුත්ථාපනය ඉල්ලා සිටින්නන් පුනරුත්ථාපනය කිරීමේ කාර්ය සහ කර්තව්‍යයද ඉටු කිරීමට පුනරුත්ථාපන කාර්යාංශය බැදි සිටි. මෙම අවශ්‍යතාවය සැලකිල්ලට ගනිමින් එහි පළමු පියවර වශයෙන් නවෝදාව තෘතීය හා වෘත්තීය සාක්ෂරතා පුහුණු මධ්‍යස්ථානය සේනපුර හිදී ස්වේව්ඡාවෙන් පුනරුත්ථාපනය ඉල්ලා සිටින්නන්ගේ පළමු කණ්ඩායම සඳහා පුනරුත්ථාපන ක්‍රියාවලියක් ආරම්භ කිරීම2025 ඔක්තොම්බර් මස 16 වන දින සිදුවේ.

වයස අවුරුදු 18 – 60 ත් අතර අයවලුන් විය යුතුයි.
නිදන්ගත රෝග වලින් හා ආබාධීත තත්ත්වයන් රහිත පුද්ගලයින් විය යුතුය.
දැඩී මානසික ආබාධීත තත්වයන්ගෙන් පෙලෙන්නන් නොවිය යුතුයි.
භාරකරුවන්ගේ ලිඛිත කැමැත්ත.
පුනරුත්ථාපනනයට යොමුවිමට අපේක්ෂිත අයවලුන්ගේ ලීඛිත කැමැත්ත.
පදිංචිය සනාථ කිරීම සඳහා ග්‍රාම නිලධාරි සහතිකය
දරුණු ගනයේ අපරාධ වලට සම්බන්ධ හෝ එවැනි චෝදනා වලට ලක් නොවුවන් විය යුතුයි.
පුනරුත්ථාපන කාල සීමාව තුල නඩු කටයුතු සඳහා ඉදිරිපත් විමට නොමැති අයවලුන් විය යුතුයි.

NDDCB විසින් අනුමත කරන ලද ප්‍රතිකාර සැලැස්ම
උපදේශන වැඩසටහන්(තනි පුද්ගල/කණ්ඩායම්)
යෝග සැසි
භාවනා වැඩසටහන්
නායකත්ව පුහුණු වැඩසටහන්
ආගමික හා විශේෂ දින සැමරුම් වැඩසටහන්
වෛද්‍ය ප්‍රතිකාර
ප්‍රථමාධාර පුහුණුව
ආපදා කළමනාකරණ වැඩසටහන්
වෛද්‍ය සායන සේවා
ක්‍රීඩා හා ශාරීරික ව්‍යායාම
අමතර පහසුකම්
ආහාර පාන (මධ්‍යස්ථානය තුල දැනට ක්‍රියාත්මක ක්‍රමවේදය අනුව ආහාර ලබා දිමට අපේක්ෂා කෙරේ)
දෛනික අවශ්‍යතා සදහා ඇදුම් (උදා - ටී ෂර්ට්, සුදු කමිස, කලු කලිසම්, ශාරිරික අභ්‍යාස ඇදුම් කට්ටල,බොටම්, කලු බඳ පටි, යට ඇදුම්, ඇඳ ඇතිරිලි, කොට්ට උර, සරොම්,තුවා,රබර් සෙරප්පු,කැන්වස් සපත්තු, මේස් යුවල්, හිස් වැසුම්, බැනියම්).
දෛනික අවශ්‍යතා සදහා භාණ්ඩ (උදා - සබන්, දන්තාලේප, දත් බුරුසු, රේසර්, කොට්ට, මදුරු දැල්, සබන් පෙට්ටි, හැන්ගර්ස්, කොප්ප )
පුනරුත්ථාපනයට යොමු වන අයවලුන් සඳහා දෛනික අවශ්‍යතා කිසිවක් රැගෙන ඒමට අවශ්‍ය නැත.

කදවුරට සේවාදායකයෙකු භාරදෙන අවස්ථාවේදී ඔහුගේ භාරකරුවෙකු අනිවාර්යෙන්ම පැමිණිය යුතුය.
ඔහු ස්ව කමැත්තෙන් භාරදෙන බවට භාරකරුගෙන් අත්සන් ගෙන භාරදීම්/භාරගැනීම් ලිපියක් මධ්‍ය්සථානය වෙතින් සකස් කල යුතුය.
ඔවුන්ගේ ලිපිනය සහ ලගම ඇති පොලිසිය, හදිසි අවස්ථාවකදී දැනුම් දිය යුතු අයවලුන් පිළිබද විස්තර කදවුරේ රාජකාරීයෙහි යෙදී සිටින පොළිස් නිලධාරීන් විසින් වෙනම වාර්තා/සටහන් කරගත යුතුය.
සේවාදායකයන් මධ්‍යස්ථානයට පැමිණෙන අවස්ථාවේදී ඔවුන් සතු ජංගම දුරකථන,රන් ආභරණ,මුදල් සහ අනෙකුත් භාණ්ඩ භාරකරු වෙත ලබාදිය යුතුය.
දමිළ සහ මුස්ලිම් ජාතිකයන් භාරගන්නා අවස්ථාවේදී එම භාෂාවන් හැසිරවිය හැකි උපදේශකයින්ගේ සහය ලබාගත යුතුය.
මධ්‍යස්ථානයට පැමිණෙන සේවාදායකයින් හට විවධ අසාත්මිකතා ඇත්නම් ඒ පිළිබද විස්තර ඔවුන්ගෙන් ලබාගත යුතුය.
මධ්‍යස්ථානයට පැමිණ දින 20 කට පසුව තම නිවෙස් වෙත පළමු දුරකථන ඇමතුම (හදිසි අවස්ථාවකදී හරුණු විට) ලබාදී ඔවුන් සමග සම්බන්ධවීමට අවස්ථාව සලසා දිය යුතු අතර ඉන් පසුව සෑම මසකම දෙවන සතියේ ඉරිදා දින සහ අවසන් සතියේ ඉරිදා දිනයන්හි නිවෙස් වෙත දුරකථන ඇමතුම් ලබාදීමට ඉඩපහසුකම් සලසා දිය යුතුය.
මාස 03 ක පුනරුත්ථාපන කාලසීමාව අවසානයේ ඔහුව භාරගැනීම සදහා අනිවාර්යයෙන්ම භාරකරුවෙකු පැමිණිය යුතුය.
ඔවුන්ගේ භාරකරුට හදිසි අවස්ථාවකදී සම්බන්ධ වීම සදහා කාර්ය මණ්ඩලයේ නිළධාරියෙකු (අතිරේක පුනරුත්ථාපන අධිකාරී) දුරකථන අංකය පමණක් ලබාදිය යුතුය.